എന്തിന് Mutual Fund ൽ നിക്ഷേപിക്കണം ? - Part - 4 | First Lesson: സാമ്പത്തിക പാഠം – 15

 First Lesson: സാമ്പത്തിക പാഠം – 15

എന്തിന് Mutual Fund ൽ നിക്ഷേപിക്കണം ? – Part - 4

 📍 ചിട്ടി

 മലയാളികളുടെ പ്രിയപ്പെട്ട ഒരു ഫൈനാൻഷ്യൽ പ്രൊഡക്ടാണ് - ചിട്ടി. ചിട്ടിക്ക് ഒരു വലിയ ചരിത്രം തന്നെയുണ്ട്. ഗ്രാമപ്രദേശങ്ങളിൽ , വീട്ടു ചിട്ടികൾ ഒരു കാലത്ത് ധാരാളമായി നടന്നിരുന്നു. പെട്ടെന്നുള്ള സാമ്പത്തിക ആവശ്യങ്ങൾക്ക് അവ ഉപകരിച്ചിരുന്നു. കാര്യമായ ജാമ്യമൊന്നും ഇല്ലാതെ തന്നെ തുക കൈപ്പറ്റാമായിരുന്നു. എല്ലാവരും പരസ്പരം അറിയാവുന്നവർ ആണല്ലോ.

 

ആ പ്രോഡക്ട് , കാര്യമായ മാറ്റങ്ങളൊന്നും ഇല്ലാതെ , ആധുനിക കാലത്തിന് അനുയോജ്യമായ രീതിയിൽ പുനഃക്രമീകരിക്കുകയുണ്ടായി. അതാണ് നാം ഇന്ന് കാണുന്ന ചിട്ടി. അത് സർക്കാർ തന്നെ വലിയയൊരു വ്യവസായമായി വികസിപ്പിച്ചിരിക്കുന്നു. അതാണ് KSFE. പ്രൈവറ്റു ചിട്ടികളും ധാരാളമായി ഉണ്ട്. തൃശൂർ ആണ് ചിട്ടിയുടെ തലസ്ഥാനം എന്ന് പറയാം. അത്രയധികം ചിട്ടി സ്ഥാപനങ്ങൾ ആ ജില്ലയിൽ ഉണ്ട്.

 

ചിട്ടി എന്ന പ്രൊഡക്ടിനെ അടുത്തുനിന്ന് നോക്കിക്കാണാനുള്ള ശ്രമമാണിത്. കുറേപ്പേരിൽ നിന്ന് , സമമായി പിരിച്ചെടുക്കുന്ന തുക , ഒരാൾക്ക് - നറുക്കെടുപ്പിലൂടെയോ ,ലേലത്തിലൂടെയോ നൽകുന്ന ഘടനയാണ് അതിനുള്ളത്. ഒരു വലിയ സംഖ്യ ഒരുമിച്ച് കിട്ടുന്നു എന്ന നേട്ടമാണ് ഇതിനുള്ളത്.

 

നറുക്കിലോ / ലേലത്തിലോ കിട്ടിയ ചിട്ടിത്തുക വാങ്ങിയെടുക്കാൻ ഇത്തിരി പ്രയാസപ്പെടും! അപ്പോൾ ചിട്ടി സ്വഭാവം മാറുകയും , ലോൺ ആയി രുപാന്തരപ്പെടുകയും ചെയ്യും. അങ്ങനെ രണ്ടായി പ്രവർത്തിക്കുന്ന പ്രൊഡക്ടാണ് ചിട്ടി - ചിട്ടിയായും ലോണായും. 10 ലക്ഷത്തിന്റെ ചിട്ടി 30% കുറച്ച് , 7 ലക്ഷം രുപയ്ക്ക് കിട്ടി എന്ന് കരുതുക. ( ഫോർമാൻ കമ്മീഷൻ , അതിനുമേലുള്ള ടാക്സ് എന്നിവ കിഴിച്ച് ) ആ തുക വാങ്ങിയെടുക്കാൻ , രണ്ട് ഉദോഗസ്ഥ ജാമ്യം നൽകണം. ഒരു ജാമ്യത്തിന് 4 ലക്ഷമേ കിട്ടൂ! അല്ലെങ്കിൽ വസ്തുജാമ്യം പോലെയുള്ളവ നൽകണം. മറ്റൊരു വഴി , അവിടെ തന്നെ FD ഇടലാണ് . 7.5 % നുമേൽ പലിശ ലഭിച്ചേക്കാം. പണപ്പെരുപ്പം 7% വരെയാണെന്ന് ഓർമ്മിക്കുക. മാത്രമല്ല, നേടുന്ന പലിശയ്ക്ക് 10% / ഇൻകം ടാക്സ് സ്‌ളാബ് അനുസരിച്ചുള്ള ടാക്സ് അടയ്ക്കണം.

ഒരു ഫൈനാൻഷ്യൽ പ്രോഡക്ട് എന്ന നിലയിൽ ചിട്ടി, വളരെ ഇഷ്ടപ്പെടുന്നവർ ഉണ്ട്. ഒരു സേവിംഗ്സ് ഇൻസ്ട്രുമെന്റ് എന്ന രീതിയിൽ പരിഗണിക്കാവുന്നതാണ്.

 

ചിട്ടി ലാഭമോ?

ലാഭമെന്ന് പറയാൻ കഴിയില്ല. ഉദാ - 100 മാസം ചിട്ടി . 8 വർഷം 3 മാസം. മാസാമാസം അടക്കുന്ന തുകയ്ക്ക് ഒരു റിട്ടേണുമില്ല! വീതപലിശയിനത്തിൽ ലഭിക്കുന്നത് ലാഭമല്ലേ എന്ന് ചോദിക്കാം. പക്ഷെ, അത് എത്ര ശതമാനം അപ്രിസിയേഷൻ ആവും? 4% - 5% മാത്രമാവും! ആ തുക 100 മാസം മറ്റൊരു പ്രൊഡക്ടിൽ നിക്ഷേപിച്ചാലോ? കൂട്ടു പലിശകിട്ടുന്ന പോസ്റ്റ് ഓഫിസ് നിക്ഷേപത്തിൽ പോലും കുറേ കൂടുതൽ റിട്ടേൺ കിട്ടിയേനെ. അപ്പോൾ ഇങ്ങനെ ഒരു ചോദ്യം വരാം. ഒരുമിച്ച് ഒരു തുക കിട്ടില്ലല്ലോ? ചോദ്യം ശരിയാണ്. 5 ലക്ഷം ചിട്ടി തുക വാങ്ങിയെടുക്കാൻ തന്നെ 2 ഉദ്യോഗസ്ഥ ജാമ്യം കൊടുക്കണം!! ആ രണ്ട് ജാമ്യം നൽകി മാന്യമായൊരു പലിശയ്ക്ക് എത്ര വലിയ തുക ലോണായി എടുക്കാൻ കഴിയും. അപ്പോഴാണ്...

 

ഇനി ഈ 100 മാസ തുക , Mutual Fund ൽ നിക്ഷേപിച്ചിരുന്നുവെങ്കിലോ? അതും വെറും 12% ശതമാനം റിട്ടേൺ ലഭിക്കുന്നതായി വിചാരിച്ചാലോ. ( 12% Mutual ഫണ്ട് നെ സംബന്ധിച്ച് നോർമൽ റിട്ടേണാണ്. ) തുക ശരാശരി 8500/ എന്ന് വിചാരിച്ചാൽ 8 വർഷം കൊണ്ട് - തുക 13.73 ലക്ഷമായി മാറിയേനെ!!! 6.5 ലക്ഷവും 7 ലക്ഷവും വാങ്ങി മടങ്ങിയവർക്ക് എത്രയാണ് നഷ്ടമെന്ന് നോക്കു. Mutual ഫണ്ട് റിട്ടേൺ 15% - 18% ഒക്കെ ആയാലോ. തുക 15.80 ലക്ഷം / 18.27 ലക്ഷം ആയി മാറിയേനെ!

 

അപ്പോൾ ചോദ്യം ഇങ്ങനെ : 15% / 18% ഒക്കെ സാധ്യമാണോ? അതെ, സാധ്യമാണെന്ന് മുൻ കാല പ്രകടനംങ്ങൾ പറയുന്നു. ചില ഉദാഹരണങ്ങൾ ഇതാ :-

അവസാനത്തെ കോളം കഴിഞ്ഞ 10 വർഷത്തിൽ നൽകിയ റിട്ടേണാണ്. 

NB - ഈ ഫണ്ടുകൾ നിക്ഷേപ ഉപദേശമായി കരുതാതിരിക്കുക. ഒരു അഡ്വൈസറുടെ ഉപദേശമനുസരിച്ച് മാത്രം ഫണ്ടുകൾ തെരഞ്ഞെടുക്കുക

(തുടരും )

 UDHAYAKUMAR S

Retirement Adviser | NISM Certified 

Mutual Fund Distributor | NISM Certified 

 

 A PLUS : Mutual Fund ഗ്രൂപ്പിലേക്ക് എല്ലാവർക്കും സ്വാഗതം .🌹

മ്യൂച്വൽ ഫണ്ടിൽ ഇൻവെസ്റ്റ്‌ ചെയ്തവരും , ഇൻവെസ്റ്റ് ചെയ്യാൻ താല്പര്യമുള്ളവരുടേയും ഗ്രൂപ്പാണിത്.

📌 Mutual Fund നെക്കുറിച്ച് കൂടുതൽ അറിയാനും , സംശയങ്ങൾ ദൂരീകരിക്കാനും ഇവിടം ഉപയോഗിക്കാവുന്നതാണ്.

                  👉           CLICK HERE

---------------------------------------------------------------------------------------------------

 

 

 

 

 

 

 

 

ആറ്റിലേക്കച്യുതാ...ചാടല്ലേ ...ചാടല്ലേ ..... | First Lesson: സാമ്പത്തിക പാഠം – 14

 First Lesson: സാമ്പത്തിക പാഠം – 14

Mutual Fund മറ്റ് അസറ്റ് ക്ലാസുകളിൽ നിന്ന് ഏറെ വ്യത്യസ്തമാണ്. വിശാലമായ ശ്രേണിയാണ് അതിനുള്ളത്. പ്രധാനമായും Equity , Debt എന്നീ തരംതിരിവുകൾ . അവ ഓരോന്നിനും അനേകം വിഭാഗങ്ങൾ . എല്ലാം ചേർന്ന് ആയിരക്കണക്കിന് ഫണ്ടുകൾ. ഒരു മനുഷ്യന്റെ എല്ലാ സാമ്പത്തിക ആവശ്യങ്ങളെയും തൃപ്തിപ്പെടുത്തുന്നവ അവിടെയുണ്ട്.

 

അതിനാൽ മറ്റ് ഫൈനാൻഷ്യൽ ഇൻസ്ട്രമെന്റുപോലെ ഇത് കൈകാര്യം ചെയ്യാൻ കഴിയില്ല. അതിനു തുനിഞ്ഞാൽ വെളുക്കാൻ തേച്ചത് ......! അതാകും ഫലം. Fixed Deposit ഒരു ഫൈനാൻഷ്യൽ ഇൻസ്ട്രുമെന്റാണ്. Chitty മറ്റൊരു ഫൈനാൻഷ്യൽ ഇൻസ്ട്രുമെന്റാണ്. ഇവയൊക്കെ മനസിലാക്കാൻ വളരെ എളുപ്പം. ഒറ്റ ഒരു ലക്ഷ്യമേ അവയ്ക്കുള്ളൂ. എന്നാൽ MUTUAL FUND അങ്ങനെയല്ല!

 

ഒരു വലിയ സിലബസും കോഴ്‌സും , ഒക്കെ വച്ച് പരീക്ഷ നടത്തുക - അത് പാസായി ലൈസൻസ് എടുക്കുന്നവരെക്കൊണ്ട് മാത്രം Mutual fund വില്പന നടത്തുക ( മൂന്ന് വർഷം കൂടുമ്പോൾ വീണ്ടും പരീക്ഷ എഴുതണം , ലൈസൻസ് പുതുക്കണം ) - അതിന്റെ പിന്നിലെ ലക്‌ഷ്യം ഇതാണ്. ചുമ്മാ ആർക്കും കയറി ചെയ്യാവുന്ന പണിയല്ല , അങ്ങനെ ചെയ്യാനും പാടില്ല എന്നതുകൊണ്ടുകൂടിയാണ്.

 

Mutual Fund Distributor വിശദമായ അസ്സസ്മെന്റ് നടത്തിയിട്ടുവേണം ഫണ്ടുകൾ ക്ലയിന്റിന് ശുപാർശ ചെയ്യാൻ. പ്രായം , ഗോൾ , റിസ്ക് എടുക്കാനുള്ള ശേഷി , മാറ്റിവയ്ക്കാൻ പറ്റുന്ന തുക - ഇവയൊക്കെ പരിഗണിക്കേണ്ടതുണ്ട്. ആദ്യമായി , ഓരോ വ്യക്തിക്കും നിർബന്ധമായും ഉണ്ടായിരിക്കേണ്ട ഇൻഷ്വറൻസുകൾ , എമർജൻസി ഫണ്ടിന്റെ ആവശ്യകത , ബഡ്ജറ്റിന്റെ ആവശ്യകത , പെൻഷൻ ഫണ്ടിന്റെ ആവശ്യകത - ഇവയൊക്കെ ഉൾക്കൊള്ളുന്ന അവെർനസ് നൽകണം. ഓരോ നിക്ഷേപത്തിനും ഓരോ ഗോൾ ഉണ്ടായിരിക്കണം എന്ന് ബോധ്യപ്പെടുത്തണം.

 

അഡ്വൈസറുടെ പ്രാധാന്യം.

Mutual Fund നെക്കുറിച്ച് ധാരാളം പരസ്യങ്ങൾ വന്നുകൊണ്ടിരിക്കുന്നു. YouTube ലും ധാരാളമായി വീഡിയോകൾ വരുന്നുണ്ട്. കണ്ടതും കേട്ടതും വായിച്ചതും വച്ച് Mutual ഫണ്ടിൽ നിക്ഷേപം നടത്താൻ ധാരാളം പേർ മുന്നോട്ടുവരുന്നുണ്ട്. സ്വയം നിക്ഷേപങ്ങൾ നടത്തുകയും ചെയ്യുന്നുണ്ട്. അത് എത്രമാത്രം സുരക്ഷിതമാണ്? എന്തിന്റെ അടിസ്ഥാനത്തിലായിരിക്കും അവർ ഫണ്ട് സെലക്ട് ചെയ്തിട്ടുണ്ടാവുക? കഴിഞ്ഞ ഏതാനും വർഷം മികച്ച റിട്ടേൺ നല്കിയവയിൽ ആവും , ഒരു പക്ഷെ. ഗോൾ ഒന്നും സെറ്റ് ചെയ്തിട്ടുണ്ടാവില്ല.

 

Mutual ഫണ്ട് ദീർഘകാലം നിക്ഷേപം ആവശ്യപ്പെടുന്ന ഒന്നാണ്. കോമ്പൗണ്ടിംഗിന്റെ മാജിക്ക് ഒക്കെ ലഭ്യമാകണമെങ്കിൽ അത് പ്രധാനമാണ്. അതിന് ക്ഷമ ആവശ്യമാണ്. മാർക്കറ്റിന്റെ കയറ്റിറക്കങ്ങളിൽ സമചിത്തതയോടെ നിലകൊള്ളേണ്ടത് പരമപ്രധാനമാണ്. നിക്ഷേപിച്ച ഫണ്ട് മികച്ച പ്രകടനം നടത്തിയില്ലെങ്കിൽ മറ്റൊന്നിലേക്ക് യഥാസമയം മാറേണ്ടതും പ്രധാനമാണ്. ഇതൊക്കെ സ്വയം ചെയ്യാനുള്ള അറിവും , കഴിവും , സമയവും ഉള്ളവർ മാത്രമേ സ്വയം നിക്ഷേപിക്കാൻ തയ്യാറാകാവൂ. അതിന് കഴിയാത്തവരൊക്കെ , ക്വാളിഫൈഡ് ആയ അഡ്വൈസറുടെ സഹായം തേടുക തന്നെ വേണം. അവർക്ക് പ്രതിഫലമൊന്നും നൽകേണ്ടതുമില്ല!

 

ഇപ്പോൾ കാണുന്നത്

ഇതുമായി ബന്ധപ്പെട്ട ഒട്ടേറെപ്പേരോട് സംസാരിക്കാൻ അവസരം കിട്ടി. അവരിൽ ചിലരൊക്കെ Mutual ഫണ്ട് ൽ നിക്ഷേപം നടത്തുന്നുണ്ട്. ശരിയായ advice ഒന്നും ഒരിടത്തുനിന്നും എടുത്തിട്ടില്ല! ഉടൻ പണം ഇരട്ടിക്കുമെന്നാണ് ചിലർ കരുതുന്നത്. ചിലർ പറഞ്ഞു , മകൻ - മകൾ നിക്ഷേപിച്ചു തുടങ്ങിയിട്ടുണ്ട്. അവർക്ക് എല്ലാം അറിയാം!! അവർ അതിനെക്കുറിച്ചു പഠിച്ചിട്ടുണ്ടോ ? അതില്ല. അവർക്കറിയാം! അവർ എന്തു ചെയ്യുന്നു? ഡിഗ്രിക്കും മറ്റും പഠിക്കുന്നു.....ഇത്തരക്കാർ ഈ കുറിപ്പിന്റെ തലക്കെട്ട് വീണ്ടും വീണ്ടും വായിക്കാൻ താത്പര്യപ്പെടുന്നു.

 

Angle One , Groww….etc….

Angle One , Groww തുടങ്ങിയ ഡിസ്‌കൗണ്ട് ബ്രോക്കേഴ്‌സ് വഴി Mutual Fund നിക്ഷേപം നടത്തുന്നവരെയും കാണാൻ കഴിഞ്ഞു. നല്ല പ്ലാറ്റുഫോമുകളാണ്. പക്ഷെ , അവയുടെ പ്രധാന ബിസിനസ് ഷെയർ ട്രേഡിംഗ് ആണ്. ഷെയർ ട്രേഡിംഗും Mutual Fund ഉം ചെയ്യുന്നുവെങ്കിൽ ആവാം. Mutual ഫണ്ടിൽ നിക്ഷേപിക്കുന്നതിന് Demat A/c ആവശ്യമില്ല. മേൽപ്പറഞ്ഞ പ്ലാറ്റുഫോമുകളിൽ Demat നിർബന്ധമാണ്. ആദ്യവർഷം കഴിയുമ്പോൾ വാർഷിക സർവീസ് ചാര്ജും നൽകേണ്ടി വരും.

 

അത്തരം ഇടങ്ങളിൽ നിന്ന് നിക്ഷേപ സംബന്ധമായി യാതൊരു ഉപദേശവും ലഭിക്കില്ല. സ്വന്തമായി ചെയ്യണം, അതേക്കുറിച്ച് അറിയുമെങ്കിൽ. അവയിൽ കാണിക്കുന്ന , കഴിഞ്ഞ ഒരു വർഷമോ രണ്ടു വർഷമോ കൂടുതൽ റിട്ടേൺ തന്ന ഫണ്ടിൽ നിക്ഷേപിക്കുക - എന്ന രീതിയാണ് കണ്ടുവരുന്നത്. അതൊക്കെ തെറ്റായ രീതികളാണ്.നിക്ഷേപിക്കും മുമ്പ് ഒരുപാട് കാര്യങ്ങൾ ശ്രദ്ധിക്കണമെല്ലോ.

 

ഇന്നിട്ടാൽ അടുത്ത ആഴ്‌ച ഇരട്ടിക്കുമോ ?

ഉയർന്നു കേൾക്കുന്ന മറ്റൊരു ചോദ്യമാണിത്. അത്ര വേഗത്തിൽ പണം ഇരട്ടിപ്പിക്കുന്ന മാജിക്ക് ഒരു ഫൈനാൻഷ്യൽ ഇൻസ്ട്രുമെന്റിലും ഇല്ല എന്ന സത്യമാണ് ആദ്യം മനസിലാക്കേണ്ടത്. ലീഗലായി അത് സാധ്യവുമല്ല. ഷെയർ ട്രേഡിംഗിലൊക്കെ വലിയ ലാഭം നേടുന്നവരുണ്ടാവാം. അത് സാധാരണ നിക്ഷേപകർക്ക് സാധ്യമല്ല തന്നെ. Mutual ഫണ്ടിൽ നിന്ന് പെട്ടെന്നു വലിയ റിട്ടേൺ പ്രതീക്ഷിക്കേണ്ടതില്ല. Long Term ൽ വലിയ സമ്പത്ത് നേടിത്തരികതന്നെ ചെയ്യും.അതാണ് കഴിഞ്ഞകാല ചരിത്രം.

 

ശരിയായ മാർഗനിദ്ദേശങ്ങൾക്കനുസരിച്ച് മുന്നോട്ടു പോയാലേ മികച്ച റിട്ടേൺ ലഭിക്കു. ഗോൾ സെറ്റു ചെയ്തിട്ടാണ് നിക്ഷേപം നടത്തേണ്ടത്. വളയമില്ലാതെ ചാടി , ആപത്തിൽ ആപത്തിൽ പെടാതിരിക്കാൻ അഡ്വൈസറുടെ സഹായം തേടുക.

(തുടരും )

 UDHAYAKUMAR S

Retirement Adviser | NISM Certified 

Mutual Fund Distributor | NISM Certified 

 

 A PLUS : Mutual Fund ഗ്രൂപ്പിലേക്ക് എല്ലാവർക്കും സ്വാഗതം .🌹

മ്യൂച്വൽ ഫണ്ടിൽ ഇൻവെസ്റ്റ്‌ ചെയ്തവരും , ഇൻവെസ്റ്റ് ചെയ്യാൻ താല്പര്യമുള്ളവരുടേയും ഗ്രൂപ്പാണിത്.

📌 Mutual Fund നെക്കുറിച്ച് കൂടുതൽ അറിയാനും , സംശയങ്ങൾ ദൂരീകരിക്കാനും ഇവിടം ഉപയോഗിക്കാവുന്നതാണ്.

                  👉           CLICK HERE

---------------------------------------------------------------------------------------------------