എന്തിന് Mutual Fund ൽ നിക്ഷേപിക്കണം ? - Part - 2 | First Lesson: സാമ്പത്തിക പാഠം – 12

 First Lesson: സാമ്പത്തിക പാഠം – 12

             എന്തിന് Mutual Fund ൽ നിക്ഷേപിക്കണം ? – Part - 2

 

📍LIC - Insurance - Savings & Life Insurance

ഇന്ത്യയിൽ ഭൂരിഭാഗം പേർക്കും LIC പോളിസികൾ ഉണ്ട്. അതൊരു നല്ല കാര്യം തന്നെയാണ്.

 

ഇക്കാലത്ത് നാം ഇൻഷ്വറൻസ് - എന്ന പ്രൊഡക്ടിനെക്കുറിച്ച് കൂടുതൽ അറിയേണ്ടിയിരിക്കുന്നു. ഏതൊക്കെ ഇൻഷ്വറൻസ് ഒരു വ്യക്തിക്ക് / കുടുംബത്തിന് അത്യാവശ്യമായി വേണ്ടത് എന്ന് അറിയേണ്ടതുണ്ട്.

 

LIC പോളിസികൾ , പോളിസി ഉടമയുടെ ലൈഫ് ഇൻഷ്വർ ചെയ്യുന്നു. കൂടെ അടക്കുന്ന തുക വളരുകയും ചെയ്യുന്നു. Life Insurance ഏറ്റവും പ്രധാനമായ ഒന്നാണ്. എത്ര തുകയ്ക്കാണ് ഇൻഷ്വർ ചെയ്യേണ്ടത് എന്ന കാര്യത്തിൽ വ്യക്തത വേണം.

 

കുടുംബത്തിലെ വരുമാനമുള്ളയാളുകൾ ആണ് Life Insure ചെയ്യേണ്ടത്. അവർക്ക് മരണം /അപകടം സംഭവിച്ചാൽ കുടുംബത്തിലേക്കുള്ള പണമൊഴുക്ക് നിലയ്ക്കും. അത് പരിഹരിക്കുന്നതായിരിക്കണം Life Insurance ! ആളില്ലാതായാലും സാമ്പത്തകം ഭദ്രമായിരിക്കണം - അതാണ് ഇതിന്റെ പിന്നിലെ തത്വം. അങ്ങനെയെങ്കിൽ പോളിസി SUM എത്രയായിരിക്കണം ? എങ്ങനെയാണ് അത് കണക്കാക്കേണ്ടത്? അത് ഓരോ കുടുംബത്തിനും വ്യത്യസ്തമായിരിക്കും. ഉദാ : 50,000/ മാസ വരുമാനമുള്ളയാളുടെ SUM എത്രയായിരിക്കും ? അയാളുടെ വാർഷിക വരുമാനം - 6 ലക്ഷം. ഇപ്പോൾ വയസ്സ് 40 എന്ന് കരുതുക. 60 വയസുവരെ പണിയെടുക്കേണ്ട ആൾ ആണ്. അപ്പോൾ ഇനി 20 വർഷം. 6 ലക്ഷം X 20 വർഷം = 1,20,00,000 രുപ.( ഒരു കോടി ഇരുപത് ലക്ഷം രുപ ) ഈ തുകയ്ക്കുള്ള ഇൻഷ്വറൻസ് ആണ് അയാൾ എടുക്കേണ്ടത്!

 

1,20,00,000 ക്കുള്ള LIC പോളിസിയുടെ പ്രിയമിയം എത്രയായിരിക്കും? വളരെ വലിയ തുകയായിരിക്കും. സാധാരണക്കാർക്കോ / ഇടത്തരക്കാർക്കോ അത് താങ്ങാൻ കഴിയില്ല എന്നത് ഉറപ്പാണ്. പിന്നെ എന്ത് ചെയ്യും? അതിന് ഒരു പരിഹാരമാണ് TERM INSURANCE കൾ. Pure Life Insurance Policy ! പ്രീമിയം എല്ലാവർക്കും താങ്ങാവുന്നത്.

 

അപ്പോൾപ്പിന്നെ LIC വിൽക്കുന്നതോ ? അത് ഒരു സങ്കര ഇനമാണ്.. ലൈഫ് ഇൻഷ്വറൻസ് + സേവിംഗ്സ്. ഇൻഷ്വർ ചെയ്യുന്ന തുക വളരെ ചെറുതാവാനാണ് സാധ്യത. 5 L , 10L , 20 L ഇങ്ങനെ....ആൾ പോളിസി കാലാവധി വരെ ജീവിച്ചിരുന്നാൽ , അടയ്ക്കുന്ന തുക ഒന്നോ രണ്ടോ ഇരട്ടിയായി കിട്ടും എന്നതാണ് ആകർഷണം.

 

എന്നാൽ LIC യെക്കുറിച്ച് കുറച്ചുകൂടി ആഴത്തിൽ ചിന്തിച്ചു നോക്കിയാൽ , ലഭിക്കുന്ന തിരിച്ചറിവുകൾ ഇവയാണ് : ഇൻഷ്വർ ചെയ്തിരിക്കുന്ന തുക വളരെ ചെറുതാണ്. ആൾ ഇല്ലാതായാൽ കുടുംബത്തിന്റെ സാമ്പത്തിക ആവശ്യങ്ങൾ നിറവേറ്റാൻ കഴിയാത്ത ചെറിയ തുക! കാലാവധി കഴിയുമ്പോൾ തിരികെ കിട്ടുന്നതും ചെറിയ തുക! 5% - 9% ഇവയ്ക്ക് ഇടയ്ക്ക് റിട്ടേൺ മാത്രം !! ( പണപ്പെരുപ്പം 7 % കുറച്ചാൽ ബാക്കി ? )

പുതിയ ചിന്ത ഇങ്ങനെയാണ് : TERM Life Insurance എടുക്കുക. 12% മേൽ റിട്ടേൺ കിട്ടുന്ന പ്രൊഡക്ടുകളിൽ Investment നടത്തുക!

(തുടരും )

UDHAYAKUMAR S

Retirement Adviser | NISM Certified 

Mutual Fund Distributor | NISM Certified 

 

 A PLUS : Mutual Fund ഗ്രൂപ്പിലേക്ക് എല്ലാവർക്കും സ്വാഗതം .🌹

മ്യൂച്വൽ ഫണ്ടിൽ ഇൻവെസ്റ്റ്‌ ചെയ്തവരും , ഇൻവെസ്റ്റ് ചെയ്യാൻ താല്പര്യമുള്ളവരുടേയും ഗ്രൂപ്പാണിത്.

📌 Mutual Fund നെക്കുറിച്ച് കൂടുതൽ അറിയാനും , സംശയങ്ങൾ ദൂരീകരിക്കാനും ഇവിടം ഉപയോഗിക്കാവുന്നതാണ്.

                  👉           CLICK HERE

---------------------------------------------------------------------------------------------------

 

 

 

 

 

എന്തിന് Mutual Fund ൽ നിക്ഷേപിക്കണം ? - Part - 1 | First Lesson: സാമ്പത്തിക പാഠം – 11

 First Lesson: സാമ്പത്തിക പാഠം – 11

എന്തിന് Mutual Fund ൽ നിക്ഷേപിക്കണം ?  - Part - 1

 നമ്മുടെ  Savings / Investment - Land Scape

ഇങ്ങനെ പട്ടികപ്പെടുത്താം എന്നു തോന്നുന്നു.

 

📍 Bank A/C - Savings

📍FD - Savings

📍RD - Savings

 

📍bonds and debentures

 

📍Chitty - Savings

 

📍LIC - Insurance - Savings & Life Insurance

 

📍ULIP - Insurance + Investment

 

📍Gold - daily use + Investment

 

📍Real Estate - Investment

 

📍Mutual Fund - Investment

 

📍ETF - Investment

 

📍Share Trading - Investment

 

📍Future & Option -Investment

 

📍Commodity - Investment

 

 

Savings , Investment - ഇവ രണ്ടും വ്യത്യസ്തമായ കാര്യങ്ങളാണ്. സേവിംഗ്സ് കാര്യമായ റിട്ടേൺ തരുന്നില്ല. നമ്മുടെ പണം വളർത്താൻ സേവിംഗ്സ് പ്രൊഡക്ടുകൾക്ക് കഴിയില്ല!

 

📍 Bank A/C - Savings - 3% ൽ താഴെ റിട്ടേൺ

📍FD - Savings - 7.5 % ശതമാനത്തിൽ താഴെ

📍RD - Savings - 7.5 % ശതമാനത്തിൽ താഴെ

 

📍Bonds and debentures- 7.5 % ശതമാനത്തിൽ താഴെ

 

📍Chitty - Savings - പറയത്തക്ക റിട്ടേൺ ഇല്ല!

 

ഇവയൊക്കെ സേവിംഗ്സ് വിഭാഗത്തിൽപ്പെടുന്ന പ്രൊഡക്ടുകളാണ്. ഇവയ്ക്കു നൽകാൻ കഴിയുന്ന നേട്ടം 7.5 % ശതമാനത്തിൽ താഴെയാണ്.

 

അപ്പോൾ വരുന്ന ചോദ്യം ഇതാണ് : 7 - 7.5 % റിട്ടേൺ നല്ലതല്ലേ ?

അല്ല.

കാരണം പണപ്പെരുപ്പം (Inflation ) 5 - 7 % ആണ്! (പണത്തിന്റെ മൂല്യം കുറയൽ )

വർഷം തോറും 7% കുറയുക.

Fixed Deposit ൽ നിന്ന് 7% നിരക്കിൽ പലിശ ലഭിക്കുന്നു എന്ന് കരുതുക. അതേ നിരക്കിൽ പണപ്പെരുപ്പവും ! കിട്ടിയ 7 പണപ്പെരുപ്പവുമായി തട്ടിക്കിഴിച്ചു. ബാക്കി എന്ത്? മുതൽ അതേപടി. ഒട്ടും വളർന്നില്ല. മാത്രമല്ല, പലിശ വരുമാനത്തിന് വർഷം തോറും 10% Tax കൊടുക്കുകയും വേണം!!

 

ചുരുക്കം ഇതാണ് : സേവിങ്സ് പ്രൊഡക്ടുകൾ പണം വളർത്താൻ ഉപകരിക്കുന്നവയല്ല! അവ മോശമെന്നല്ല. അവ ചില സന്ദർഭങ്ങളിൽ അത്യാവശ്യവുമാണ്.

ആ പ്രൊഡക്ടിന്റെ സ്വഭാവം നന്നായി മനസ്സിലാക്കണം എന്നേയുള്ളൂ. ( പണം വളരാൻ വേണ്ടി Fixed Deposit ൽ ഇട്ടിരിക്കുന്നു എന്ന് പറയുന്നത് യാഥാർഥ്യവുമായി നിരക്കുന്നതല്ല എന്ന് സാരം )

 

(തുടരും )

UDHAYAKUMAR S

Retirement Adviser | NISM Certified 

Mutual Fund Distributor | NISM Certified 

 

 A PLUS : Mutual Fund ഗ്രൂപ്പിലേക്ക് എല്ലാവർക്കും സ്വാഗതം .🌹

മ്യൂച്വൽ ഫണ്ടിൽ ഇൻവെസ്റ്റ്‌ ചെയ്തവരും , ഇൻവെസ്റ്റ് ചെയ്യാൻ താല്പര്യമുള്ളവരുടേയും ഗ്രൂപ്പാണിത്.

📌 Mutual Fund നെക്കുറിച്ച് കൂടുതൽ അറിയാനും , സംശയങ്ങൾ ദൂരീകരിക്കാനും ഇവിടം ഉപയോഗിക്കാവുന്നതാണ്.

                  👉           CLICK HERE

---------------------------------------------------------------------------------------------------