നാടൻ സായിപ്പുമാരുടെ പിത്തലാട്ടങ്ങൾ ....

 അപ്പുമാഷുടെ ഡയറി - 7

ശാസ്ത്ര പുസ്തകങ്ങൾ മലയാളത്തിലാക്കുന്നത് നിർത്തിവയ്ക്കുക -
എന്ന് വിദ്യാഭ്യാസ രംഗത്തുള്ള ഒരു സർവീസ് സംഘടന

 മുദ്രാവാക്യം ഉയർത്തിയിരിക്കുന്നു !

അതിനെ ലഘുവായി കാണാമോ?
പാടില്ല.

ഉന്നത പരീക്ഷകളും മറ്റും മലയാളത്തിലാക്കുന്നതിന്നുള്ള കളമൊരുക്കലാണ് സർക്കാർ നടത്തുന്നത്. ആ ശ്രമത്തിന് കരുത്തു പകരുകയല്ലേ വേണ്ടത്?
(എല്ലാവരും ഖാദറിനു പുറകെയാണ്. അത് ചർച്ച ചെയ്യാൻ നാം മാത്രമല്ല യുള്ളത് എന്നും ഓർക്കാം.)

 

ഭാഷന്തരീകരണത്തിന്റെ പ്രശ്നം നാം പ്രധാനമായി കാണണം. മാതൃഭാഷയിൽ പഠിക്കുമ്പോഴുള്ള ഗുണങ്ങൾ എന്തുമാത്രമാണ് എന്ന് തിരിച്ചറിയേണ്ടേ?
(നമ്മുടെ മാത്രം പ്രശ്നമല്ല , നാടിന്റെ പ്രശ്നമാണ് എന്ന വിശാലാർഥവും ഉണ്ട് )
അതിന്റെ സാമൂഹ്യവും സാംസ്കാരികവുമായ വിതാനം വളരെ വലുതാണ്.

 

- ഇംഗ്ലീഷിൽ പഠിച്ചാലേ നിലവാരം വരൂ എന്ന അസംബന്ധത്തിന് നാം ചുട്ടു പിടിച്ചുകൂടാ.

- പഠന സഹായി എന്ന പേരിൽ സബ്ജറ്റുകാർ കുട്ടികൾക്ക്, കമ്മീഷൻ പറ്റി, വാങ്ങി നൽകുന്നവ മലയാളത്തിൽ തയ്യാറാക്കിയ , വികലമായ ഒരു 'വക ' യാണ് എന്നും ഓർക്കുക.

 

ലിപിൻ രാജ് എന്ന നക്ഷത്രം

ലിപിൻ രാജ് എന്ന യുവാവ് , മലയാളത്തിന് നൽകിയ ആത്മവിശ്വാസം ചെറുതൊന്നുമല്ല.
മലയാളം മീഡിയത്തിൽ പഠിച്ച്, ഐഎഎസ് പരീക്ഷ എല്ലാ വിഷയവും മലയാളത്തിൽ എഴുതിയ മിടുക്കൻ. 2012 ൽ ആദ്യശ്രമത്തിൽ ഐഎഎസ് നേടുകയും ചെയ്തു!( റാങ്ക് - 224)

( ചെറിയ പ്രായത്തിൽ കോമ്പസു കൊണ്ട് വലതുകണ്ണിലെ കാഴ്ച പോയവൻ! )

മലയാളത്തിൽ ശാസ്ത്ര, സാങ്കേതിക പുസ്തകങ്ങൾ മലയാളത്തിൽ വേണ്ടത്ര ഇല്ലാത്തതിനാൽ,
ഇംഗ്ലീഷ് പുസ്തകങ്ങൾ മലയാളത്തിൽ വിവർത്തനം ചെയ്ത് ആണ് പഠിച്ചത്!
സാങ്കേതിക പദങ്ങൾ ,അതേപടി ഉപയോഗിച്ചും, പറ്റുന്നതെല്ലാം മലയാളീകരിച്ചും.

9 പേപ്പറും മലയാളത്തിലെഴുതി!

ധനതത്വശാസ്ത്രവും ചരിത്രവും ഐറ്റിയും ഫിസിക്സും കെമസ്ട്രിയും ബയോളജിയും ബഹിരാകാശ ശാസ്ത്രവും വിദേശകാര്യവും കണക്കും അക്കൗണ്ടൻസിയും - ഒക്കെ ചോദ്യങ്ങളായി വന്നു.
അവയ്ക്കെല്ലാം ഉത്തരം മലയാളത്തിൽ എഴുതി.
അത്ഭുതകരമായ പ്രവർത്തിയല്ലേ?

( അഭിമുഖവും മലയാളത്തിലെടുക്കാം.! )

ഉത്തരപേപ്പർ നോക്കുന്നവർക്കും ബുദ്ധിമുട്ടുണ്ടായില്ല!
അപ്പോഴാണിവിടെ.......!

 

ലിപിൻ രാജുമാർ ഇനിയും ഉണ്ടാവണം.
അതിന് അരങ്ങൊരുക്കൽ കൂടിയാണ് ശാസ്ത്ര പുസ്തകങ്ങളുടെ ഭാഷാന്തരീകരണം.

( പ്ലസ് ടു വിൽ മലയാളത്തിന്100 മാർക്ക് കിട്ടിയതായിരുന്നു പ്രധാന പ്രചോദനം )

- നിങ്ങൾക്കും ജയിക്കാം സിവിൽ സർവ്വീസ് - എന്നൊരു പുസ്തകവും ലിപിൻ രാജ് എഴുതിയിട്ടുണ്ട്.
ഗംഭീര പുസ്തകം.

അതിനാൽ,
നമ്മൾ ഭാഷാന്തരീകരണത്തിന് ഒപ്പം നിക്കണം.
സബ്ജറ്റുകാരെ ബോധവൽക്കരിക്കണം.
അവരുയർത്തുന്ന മുദ്രാവാക്യത്തിന്റെ അശ്ലീലത പറഞ്ഞു മനസ്സിലാക്കണം.

സേതുരാമൻ ഐ പി എസും
ലിപിൻ രാജ് ഐഎഎസും - ഒക്കെ മാതൃഭാഷയുടെ മഹത്വത്തെക്കുറിച്ച് പറഞ്ഞു കൊണ്ടേയിരിക്കുന്നു.,
അതിന്റെ സാധ്യതകൾ അനന്തമാണ് എന്നതിനെപ്പറ്റിയും.

 

പിൻമൊഴി - ഇംഗ്ലീഷ് പഠിക്കുന്നതും ഇംഗ്ലീഷിൽ പഠിക്കുന്നതും തമ്മിൽ വ്യത്യാസമുണ്ട്. അതറിയുന്നുണ്ടോ, സാർ....

---